تابوت عشق
د یه سن یاریمیزی گورمه یه قابیل ده ییلیخ! چونکی بیر عمرد یر آنجاق بونا نائیل ده ییلیخ گوزلرین نورو سونور شمع سایاق سونمه ده دیر گل آغا ! بیر باخیشا بیز میه سائیل ده ییلیخ؟ دولغون عشق ایله کره ک جومله اوره ک لر بزه نه یوخسا یار، یار دییه ره ک بیز یارا قابیل ده ییلیخ گلیشی یاریمیزین ائیله جه ده ساده ده ییل! بزه یخ ائو اوره یین! بلکه ده ماییل ده ییلیخ! اینتظارین نه قه ده ر معناسینی بیز سانیریخ؟ ده یمه سین هئچ کیمه دوزدور هامی «هابیل» ده ییلیخ قارا ظولمت گئجه ده یاللی گئدیر غم له کده ر حقی باطیل تالاییر بیز آخی باطیل ده ییلیخ! «هارایی» بوقچایا قویدوخ «وایی » دا تاقچایا بیز سوسموشوخ یوخدو هارای اولمویا حائیل ده ییلیخ؟! نه قه ده ر نازلی نیگارین نازینی چکمه لیییخ؟! بلکه ده ناقیصیخ آنجاق هله کامیل ده ییلیخ! یوللار اوستونده سئریب آیریلیق هیجران پالازین گل اوره ک فرش ائده خ هاممی یولا! «قابیل» ده ییلیخ! عشق میضرا ب ایله چال آیریلیقین ماهنی سینی! نئچه یوز ایل دی کی بیز هیجرینه شامیل ده ییلیخ؟ کونول ایستر کی وئره ایستی قوجاقینده جانی یاشاییش یورقونویوخ اولمویا عاقیل ده ییلیخ! گله جکدیر بیلیره م سوز وئریب آنجاق کی بیزه تانری دان دیر آسیلی گلمه یی جاهیل ده ییلیخ! سویله ! (بی نام) افق لاردا باخیشلار یارالی تیکیلیب گوزلریمیز یوللارا غافیل ده ییلیخ!
| Design By : nightSelect.com |
